Lillehammer 24.2.2013:

Gull til Sogn og Fjordane under jr NM stafett!!

-Flott ankeretappe av Johannes Thingnes Bø.

Johannes Thingnes Bø, Hallvard Evjestad, Gjøran Tefre og Roger Øye Pollen tok gull for Sogn og Fjordane under jr. NM på Lillehammer. Foto frå Vestpress/NRK.

For andre året på rad vart det NM-gull til Sogn og Fjordane under jr NM nordiske greiner 2013 på Lillehammer. Johannes Thingnes Bø sikra gullet etter ein solid ankeretappe.

Roger Øye Pollen gjekk første etappe for Sogn og Fjordane og veksla på ein 17. plass, men med berre 30 sekund opp til teten. Gjøran Tefre gjekk laget heilt opp i gullkampen og inn til andre veksling låg Sogn og Fjordane på ein fjerdeplass. Hallvard Evjestad gjekk laget opp i leiinga. Ei leiing Johannes Thingnes Bø tok godt vare på under sin ankeretappe. I mål var Sogn og Fjordane 6,5 sekund føre sølvvinnar Oppland og 7,5 sekund føre Akershus som tok bronse.

Jarle Midthjell Gjørven gjekk siste etappe på Sogn og Fjordane II. Han gjekk opp laget tre plassar på sin etappe. Sogn og Fjordane II gjekk i mål  til ein 27. plass. Ei fin plassering i eit felt med heile 110 lag.

Resultatliste NM junior stafett Lillehammer 24.2.2013 

Vi gratulerer med NM-gull!