Ulvedalsdemma 31.8.2014:

Vigdis Sætren og Dag-Arne Eide til topps i KM lang.

Vigdis Sætren vann klasse D17 i KM langdistanse. Foto: Markane IL

Totalt 44 o-løparar stilte opp då IL Veten arrangert KM langdistanse ved Ulvedalsdemma. Markane IL hadde fem løparar på start, og det vart to KM-sigrar til løparar frå MIL då både Vigdis Sætren og Dag Arne Eide gjekk heilt til topps i sine klasser.

Vigdis Sætren vann klart klasse D17 då ho orienterte seg gjennom den 6 kilometer lange løypa på 1t 8 min 8 sek. Nummer to vart Ragnhild Bergset Elvestad frå Nordreisa IL på 1t 33 min 30sek og Kirsti Bergset frå IL Veten vart nummer tre på 1t 37 min 5sek. Åshild Sætren Bøe vart nummer fem i same klassa.

Dag Arne Eide vann klasse H50 etter å ha fullført dei 6 kilometerane på 56min 52sek. Næraste konkurrent var Gunnar Gytri frå Førde IL som kom i mål på 1t 2 min 22sek.

I klasse D50 vart det andreplass til Grete Zachariassen. Ho brukte 1t 1 min 25 sek gjennom den 4 kilometer lange A-løypa. Klassevinnar vart Irene Kroken Bergset på 1t 0 min 32 sek. Aslaug Thingnes Bø deltok i same klasse, men braut løpet.

Heile resultatlista ligg nedanfor:

Resultatliste KM lang orientering 31.8.2014 Arrangør IL Veten.

Grete Zacharissen vart nummer to i D50. Foto: Markane IL