Ullsheim 22.-23.3.2014:

Markane overtek krinsrenn og KM skiskyting i helga.

Skiskyttarar i aksjon på Ullsheim under lagsmeisterskapet i 2013. Foto: Margunn Hjelmeset

I går vart det klart at dei oppsette krinsrenna i skiskyting med innlagt KM fellesstart, ikkje kunne arrangerast i Volda denne helga på grunn av manglande snø.

På grunn av den snøfattige vinteren har det vore svært få lokale skiskyttarrenn. Markane tek derfor over arrangementet på kort varsel sidan Ullsheim har snø nok til å kunne avvikle løpa. Vi synest det er viktig for idretten vår at vi klarer å arrangere lokale renn slik at alle får prøve seg. 

Laurdag kl. 1300 vert det sprint for alle medan det vert KM fellesstart på søndag. (Dei yngste går sprint også søndag).

Dermed skal skiskyttarar frå Markane, Stårheim, Hornindal, Hardbagg, Volda og Sunnylven i aksjon på Ullsheim i helga.