Sotsij 18.2.2014:

8.plass til Johannes Thingnes Bø på fellesstarten

Johannes Thingnes Bø gjekk ein flott fellesstart i OL i Sotsji. Bortsett frå ein strafferunde på den første serien leverte Johannes feilfri skyting og var med langt framme i feltet.

Utfrå siste skyting låg Johannes på ein femteplass, men med eit fall på sisterunden vart det ein åttandeplass i mål. Dei tre fremste leia med nærare 30 sek til resten av feltet så det var ikkje ei medalje som glapp i fallet.

Det vart likvel norsk siger på fellesstarten. Emil Hegle Svendsen sikra gullet då han spurtslo Martin Fourcade frå Frankrike. Bronsen gjekk til Ondrej Moravec frå Tsjekkia.