Holmenkollen 16.2.2014:

Flott 12. plass til Simon Hjelmeset Kirkeeide!

Simon Hjelmeset Kirkeeide gjekk inn til 12. plass i G14 i Ungdommens Holmenkollrenn Foto: Margunn Hjelmeset, 2013

 Etter ein fin 22. plass på den klassiske distansen i går gjekk det endå betre for Simon Hjelmeset Kirkeeide i dag på Ungdommens Holmenkollrenn i fri teknikk. I konkurranse med 284 løparar frå heile landet var det ein flott 12. plass.

Differansen fram til dagens vinnar Fredrik Johnsrud frå Stokke var på 41 sekund. Andreplassen gjekk Ulrik Hegdal frå Larvik IL som var 11 sek bak vinnaren medan Ansgard Evensen frå Vind tok tredjeplassen, 16 sek bak teten. Det skilde dermed ikkje meir enn 25 sekund frå Simon sin 12.plass og fram til pallen. Avstanden fram til sjetteplassen var berre på 10 sek. Dermed svært flott innsats både i klassisk stil og fri teknikk for Markane sin representant i Ungdommens Holmenkollrenn!

 Resultatliste for Ungdommens Holmenkollrenn fri teknikk Klasse G14 16.2.2014