Trondheim 9.2.2014:

2. plass til Anne-Marie Roset på fellesstarten i Bendit skiskyttarfestival!

Anne-Marie Roset frå Markane IL vart nummer to i klasse J14 i Bendit Skiskytterfestival i Trondheim. Maren  Bjørken frå Stiklestad IL tok sigeren medan Sofie Skjei Buran frå Vinne IL vart nummer tre. Foto: Rune Roset

 Anne-Marie Roset gjekk seg inn til ein flott sølvplass i J14 under Bendit Skiskytterfestival i Trondheim. Løpet i dag var fellesstart og distansen 3,9 km. Det var noko vanskelege skyteforhold og stort sett alle i feltet måtte tåle nokre strafferundar. Anne-Marie fekk to bom på første skyting og tre på andre skyting. I mål var ho 46 sek bak vinnaren Maren Bjørken frå Stiklestad som kom seg gjennom med berre fire bom totalt. Tredjeplassen gjekk til Sofie Skjei Buran frå Vinne IL.

Magnus Arntsen kom på 25. plass i G15 etter at han som så mange andre i dag  fekk det noko tungt på standplass. Totalt vart det ni strafferundar. Vinnar av klassa vart Jo Brøste Nørstegård frå Dombås IL som kom seg gjennom løpet med berre tre bom.

Resultatliste frå Bendit Skiskytterfestival Trondheim Fellesstart 9.2.2014

Anne Marie Roset klar til start. Foto: Rune Roset

Anne Marie Roset i målområdet