Ruhpolding 11.1.2014:

8.plass til Johannes Thingnes Bø på normalen

Johannes Thingnes Bø gjekk eit godt løp på normaldistansen i Ruhpolding. Etter fleire bomskot på stafetten gjekk det i dag greitt på skytebana. Totalt vart det to tilleggsminutt på 20 kilometeren etter eit hårfint bomskot på andre skyting og ein bom tredje skyting.

I mål skilde det 1 min 5 sek opp til vinnaren Emil Hegle Svendsen som berre hadde eit tilleggsminutt.

Tarjei Bø kom skeivt ut på første skyting med tre tilleggsminutt. Resten av løpet vart derimot godt gjennomført med bra fart i løypa og treff på 14 av 15 skot. I mål vart det ein 37. plass med 3 min 20 sek opp til teten.

I morgon er det klart for jaktstart. Differansane opp til teten vert då halvert. Johannes startar dermed 33 sek etter teten medan Tarjei må vente i Tarjei 1 min 38 sek.