Geilo 23.11.2013:

Resultat frå DNB-cup 1

Johan Eirik Meland vart nr 43 i det første rennet i DNB-cup. Foto: Team Statkraft Nordfjord, 2011

Årets første renn i DNB-cupen vart arrangert på Geilo. I klassa for menn senior var både Jarle Midthjell Gjørven og Johan Eirik Meland i aksjon. Dagens øving var sprint. Det var eit stort og svært jamnt felt på start streken. Etter første skyting var Jarle på ein 17. plass etter å ha skote fullt hus medan Johan Eirik gjekk ut på ein 35. plass etter ein strafferunde. Men på den ståande skytinga hadde verken Jarle eller Johan Eirik heilt dagen. Det vart tre strafferundar på kvar. Dermed enda det med plasseringar omtrent akkurat midt på resultatlista. I mål vart Jarle Midthjell Gjørven nummer 42. Han var 2 min 17 bak vinnaren. Johan Eirik Meland følgde ein plass bak og vart dermed nummer 43. Han var 2 min 24 sek bak førsteplassen. Tidlegare landslagsløpar
Frode Andresen frå Hønefoss skiskyttere vann løpet. Martin Lindland vart nummer to og Syver Nygård kom på tredjeplass.

DNB-cup held fram i morgon med fellesstart.

Resultat DNB-cup1 Geilo Menn senior Dato: 23.11.2013