Sandnes 21.07.2012:

6.plass til Johannes Thingnes Bø på supersprinten.

Det vart nok ei fin plassering til Johannes Thingnes Bø då årets BLINK-festival i Sandnes vart avslutta med supersprint for skiskyttarane.

Johannes tok seg lett vidare frå sin kvartfinale der han kom i mål heile 15 sekund før nr 2.  I semifinalen var det svært jamt og Johannes sikra finaleplassen med ein andreplass i sitt heat like bak Emil Hegle Svendsen.

I finalen vart det til slutt ein sjetteplass 16,6 sekund bak vinnaren Carl-Johan Bergmann frå Sverige. Franskmennene Vincent Jay og Martin Fourcade følgde på andre og tredjeplass. Best av dei norske vart Ole Einar Bjørndalen med ein fjerdeplass. Emil Hegle Svendsen vart nummer fem berre tre tideler føre Johannes Thingnes Bø. Lars Berger kom på sjuandeplass.

Fullstendig resultatliste for dagens supersprint er lagt ut nedanfor.

Resultatliste supersprint menn Blinkfestivalen 21.07.2012