Avstemning 8.-21.11:

Stem fram Markane IL på Klubben i mitt hjerte 2014!

«Klubben i Mitt Hjerte» er i gong igjen. Alle kvardagar frå måndag 10. november til fredag 21. november vert det trekt ut tre dagspremiar på 10 000 kr blant dei klubbane som har oppnådd 100 stemmer siste døgn.

Du kan stemme fram Markane IL kvar dag på stemmelokalet til Dagbladet http://www.dagbladet.no/klubben/stem/id/14490003/

Alle stemmer tel også samanlagt i den store konkurransen om å bli Norges mest populære klubb. Her får vinnaren heile 100 000 kroner frå Nordea. Midlane er øyremerka til sosialt idrettsarbeid i nærområdet. Denne avstemminga er open for alle medlemsklubbane i Norges Idrettsforbund uansett storleik eller idrettsgrein.

Avstemminga startar LAURDAG 8.NOVEMBER og du kan stemme heilt fram til FREDAG 21.NOVEMBER kl.12.00.

Dei første dagspremiane blir trekte etter kl.12 måndag 10.november. Du kan sjå om klubben er blant vinnarane på www.dagbladet.no etter kl.18 eller høyre på P4 som har trekning på same tidspunkt. Deretter vert det nye trekningar kvar kvardag etter kl.12 heilt fram til fredag 21.november med påfølgjande offentleggjering av vinnarane kvar kveld etter kl.18:

Med hjelp frå Nordea vert det altså delt ut totalt 400 000 kroner.

På Dagbladet.no kan du også sjekke om klubben klarer 100 stemmer pr. dag og korleis den ligg an i samandraget i konkurransen om å bli Norges mest populære klubb.

«Klubben i Mitt Hjerte» er ei felles kampanje arrangert av Norges Idrettsforbund og Olympiske Komite, Nordea, P4 og Dagbladet.

Vi oppmodar alle om å hjelpe til med å stemme Markane. Del gjerne på Facebook, Instagram, Twitter og andre aktuelle medium.

Vinnaren og det store avstemmingsresultatet frå Klubben i Mitt Hjerte 2014 vert offentleggjort på Dagbladet, Dagbladet.no og P4 laurdag 22.november.