12.plass til Emilie Flo Stavik i Ungdomsbirken

Emilie Flo Stavik gjekk inn til ein flott 12.plass i klasse J13 under Ungdomsbirken laurdag 12.mars.

Emilie fullførte dei 15 kilometerane på 49 min 50 sek. Klassevinnar vart Ranja Nekkar frå Driv IL med 46 min 2 sek. Andreplassen gjekk til Synne Herheim frå Geilo IL på 46 min 17sek medan Tiril Marie Møller Gundersen frå Lyn IL tok tredjeplassen med 47 min 55 sek. I alt 276 deltakarar stilte opp i J13.

Også dei to andre deltakarane frå Markane sikra seg fine plasseringar i sine klassar. Maren Hjelmeset Kirkeeide deltok også i j13 og gjekk inn til ein 44.plass med tida 51 min 59 sek.

Oskar Guddal Breivik vart nummer 100 i klasse G14 med tida 44 min 49 sek. Her deltok heile 325 løparar. Klassevinnar vart Audun Nordraas frå Strandbygda ILmed tida 39 min 11 sek. Andreplassen vart delt mellom Andreas Aune Aakerli frå Heimdal IL og Aleksander Holmboe frå Bærums Verk og Hauger IF.